Kompania Rajonale e Ujësjellësit “Mitrovica” njofton se ka filluar me trajtimin dhe shpërndarjen e ujit, por me kapacitet të reduktuar, raporton Veriu.info.
Uji në rajonin e Mitrovicës ishte ndërprerë mbrëmë, pas shpërthimit me eksploziv në kanalin e Ibër Lepencit afër Zubin Potokut.
Njoftimi i KRU Mitrovica:
NJOFTIM
Të nderuar konsumatorë,
Ju njoftojmë se në këto çaste kemi filluar trajtimin dhe shpërndarjen e ujit, por me kapacitet të reduktuar.
Furnizimi me ujë të pijes fillimisht do arrijë tek konsumatorët të cilët gjenden të pika të ulëta e gradualisht uji do të arrij edhe në kate të larta të banesave kolektive.
Lusim konsumatorët të që të përdorin ujin sa më racionalisht në mënyrë që rrjeti të mbushet sa më shpejt me ujë të pijes e me këtë t’u mundësohet të gjithëve të kenë qasje në ujë të pijes.
Ju faleminderit për mirëkuptimin dhe bashkëpunimin tuaj!
