Deputetja e Lëvizjes Vetëvendosje, Ardita Fejza ka thënë se largimi i disa deputeteve nuk e dëmton LVV-në.
Fejza tha se nuk mendon që LVV do të dëmtohet në vota nga largimi i tyre , pasi sipas saj këtë po e tregojnë edhe numrat në sondazhe.
“Unë nuk mendoj që LVV do të dëmtohet në votë. Unë besoj se përveç se është perceptim i yni nga ajo çka punojmë në terën, nga takimet që i kemi edhe sondazhet flasin për rezultate të LVV-së. Prandaj nuk e shoh këtë çështje si një pengesë që do t’i bëhet LVV-së”, ka deklaruar ajo.
Tutje, ajo tha në zgjedhjet e 9 shkurtit do të arrin 50 përqindëshin.
“Kurti e ka thënë një gjë që e mendoj që është e vërtetë, nëse partitë tjera e kanë pragun 5 për qind ne e kemi pragun 50 për qind. Për këtë punojmë, për këtë angazhohemi dhe mendoj që ky do të jetë rezultati i zgjedhjeve… Unë mendoj që për këto katër vite janë kryer punë të jashtëzakonshme në të gjitha dikasteret…”, ka thënë ajo.
