Koordinatorja e Komiteteve në Lëvizjen Vetëvendosje, Dejona Mihali, ka kritikuar Prokurorinë Speciale pse s’po e thirr në intervistim biznesmenin Blerim Devolli për rastin e regjistrimit të biznesve me emra serb të komunave të Kosovës.
Ajo që njihet si e fuqishmja e VV-së, thotë se hetimi për “kontratën e homologimit të veturave” të Devollëve, pra Eurolab-i është mbyllur rrufeshëm, raporton VeriuInfo.
Postimi i Dejona Mihali:
Kush do ta thërrasë në intervistë Blerimin?
Pronarët e KLAN KOSOVA PEĈ SRBIJE dhe ART MOTION Djakoviĉa Srbije (+Artmotion Novi Sad) ende sot nuk janë thirrur nga askush në Prokurori Speciale.
Ndonëse ka kallzim penal ndaj tyre.
Aty ka të dhëna jo vetëm për pastrim parash.
Me gjasë as hetim nuk kanë hapur.
Hetimi për “kontratën e homologimit të veturave” të Devollëve, pra Eurolab-i është mbyllur rrufeshëm. Çuditërisht fakteve që janë si drita e diellit i ka ardhur përgjigja speciale: ky rast është hetuar një herë nuk ka shkelje..
Hetimi për kontratën Dardafon (z-mobile) dhe marrëveshjet pasuese kurrë nuk u nisën. Kallzimi, njoftimi sqarimi i detajuar prej një komisioni hetimor parlamentar ku Blerim Devolli nuk artikulonte dot asnjë fjali, deri tek dosjet nga vet menaxhmenti i Telekomit kanë marrë për përgjigje heshtjen dhe aktivizimin e nëndheshëm kundër pikërisht denoncuesve.
100 milionë euro i kanë marrë nga Telekomi, Devolli, dhe ende po i marrim mbi 40 të tjera. Llogaritë bankare i bllokojnë çdo të tretin/katërtin muaj.
Ka indicie për pastrim parash, e evazion nga kompanitë e Devolli grup e Corporation.
Po nuk ka forcë që e lëviz nga vendi Prokurorinë Speciale. Shkëmb graniti.
Të pathyeshëm.
Pse ka frikë Prokuroria Speciale nga Blerim e Shkëlqim Devolli?
