NISMA e sot mbajti tubim në Jezerc të Ferizajt, ku nga foto të këtij aktiviteti shihet pjesëmarrje jo e madhe e simpatizantëve të tyre.
Megjithatë, për Kryetarin e NISMA, Fatmir Limaj, pjesëmarrje në këtë tubim do të thotë mbështetje të jashtëzakonshme për partinë e tij.
Limaj deklaroi se qytetarët e Ferizajt janë rreshtuar fuqishëm rreth Nismës.
Postimi:
Në Jezerc të Ferizajt morëm mbështetje të jashtëzakonshme për NISMA Socialdemokrate!
Qytetarët e Ferizajt janë rreshtuar fuqishëm rreth NISMA-së dhe listës tonë për një Kosovë fituese, që është veçVEPRA, prandaj ne e kemi obligim nga e kaluara jonë, familja, dhe tradita, që ta kthejmë Kosovën në rrugën e drejtë.
Sot, më shumë se dje, jemi bashkuar për të mirën e Kosovës, duke u zotuar se zhvillimi ekonomik, arsimi, shëndetësia, siguria dhe pavarësimi energjetik janë detyrë e jonë në mandatin e ardhshëm.
