Pas zgjedhjes së kryesuesit të Kuvendit Komunal në Prishtinë, Lidhja Demokratike e Kosovës, ka filluar edhe caktimin e drejtorëve nëpër drejtoritë përcaktëse në kryeqytet.
Gazeta Blic, ka siguruar disa emra që me shumë gjasë do të marrin udhëheqje nëpër drejtori të ndryshme në Komunën e Prishtinës.
Në mesin e tyre, janë edhe figura të larta të Lidhjes Demokratike të Kosovës. Madje edhe ish-deputetë.
Ali Hertica, Florian Dushi, Doruntinë Maloku, Izet Sadiku, Krenar Xhaferi dhe Fadil Aliu, janë emrat që LDK, është duke i diskutuar për t’i emëruar në udhëheqje të dikastereve në kuadër të Komunës së Prishtinës.
Këta emra janë negociuar mes kryetarit të Prishtinës, Përparim Rama dhe atij të LDK-së, Lumir Abdixhiku.
Ditëve të vijim pritet që të vendoset përfundimisht për emrat e përveçëm që do të emërohen drejtorë nga radhët e LDK-së.
Në anën tjetër, pesë drejtori në kuadër të Komunës së Prishtinës, nuk do të udhëhiqen nga Lidhja Demokratike e Kosovës.
Kjo pasi që, siç raportoi të mërkurën Gazeta Blic, në lidhjen e koalicionit me PDK-në, pesë drejtori dhe nënkryetari, do t’i takojnë partisë që udhëhiqet nga Memli Krasniqi.
Gjatë të mërkurës, në marrëveshje mes LDK-së dhe PDK-së, kryesues i Kuvendit komunal në Prishtinë, u zgjodh Fehmi Kupina nga Lidhja Demokratike e Kosovës.
Kupina ishte asambleisti më i votuar nga radhët e LDK-së, në zgjedhjet e 14 nëntorit.
Gazeta Blic, do ju mbajë të informuar për emrat që do të vendoset në pozitat drejtuese brenda Komunës së Prishtinës, si nga radhët e LDK-së, po ashtu edhe nga Partia Demokratike e Kosovës.
FOTO/ Florian Dushi
FOTO/ Doruntinë Maloku
FOTO/ Izet Sadiku/ Përparim Rama
FOTO/ Krenar Xhaferi
FOTO/ Përparim Rama & Fadil Aliu – Hertica
