Këngëtarja e njohur Melinda Ademi ka ndarë lajmin emocionues me fansat e saj, duke konfirmuar publikimin e albumit të saj të parë.
Ajo ka treguar se ka nisur punën në këtë projekt në studion Redbox Entertainment, duke sjellë një pasqyrë më të thellë të personalitetit dhe artit të saj.
Kënga e parë nga albumi, me titullin “ECI”, është një bashkëpunim me reperin Lumi B dhe pritet të publikohet së shpejti. Albumi do të lançohet në kanalin e saj zyrtar, i cili menaxhohet nga ONIMA.
Sipas Melindës, ky projekt do të jetë puna e saj më e mirë deri më tani, duke premtuar një përvojë unike për fansat dhe mbështetësit e saj.
“Mezi pres ta ndani këtë rrugëtim me mua,” ka thënë artistja, e njohur si “Bad Diva”.
Ne mezi po presim, po ju?
