Kryeministri Albin Kurti ka thënë se edhe pse nuk ka ardhur asnjë njohje nga pesë vendet mosnjëhëse të BE-së gjatë mandatit të tij qeverisës, ai shton se njohje nuk ka pasur nga tetori i vitit 2008.
Tutje ai shton se është e vështirë për të lëvizur në atë drejtim.
Në një intervistë për KosovaPress, i pari i ekzekutivit shtoi po ashtu se njohja e Kosovës nuk varet vetëm nga ta.
“Besoj se pjesa kryesore e njohjeve të Pavarësisë së Kosovës kanë ndodhur në vitin e shpalljes së Pavarësisë 2008. Le të mos harrojmë se nga 27 vendet anëtare të Bashkimit Evropian, këto pesë që nuk na njohin, nuk na njohin që nga tetori i vitit 2008, kur ishte njohja e fundit nga një anëtar i Bashkimit Evropian, përkatësisht Portugalia”.
“Prej tetorit 2008, e tash jemi në janar të 2025-ës, 16 vjet e gjysmë ne i kemi pesë shtete mosnjohëse. Është e vështirë të lëvizet aty, dhe për neve, kruciale janë pikërisht këto pesë shtete”, tha Kurti.
“Përtej kësaj, ne në politikën e jashtme kemi qenë më shumë të përqendruar në substancat tu themi të drejtën, sepse njohjet nga jashtë nuk po varen vetëm prej neve”.
