Misioni i BE-së në Kosovë për herë të shtatë do të vëzhdoj zgjedhjet në Kosovë. Mbi 100 vëzhgues do të shpërndahen në terren për të siguruar një proce të lirë zgjedhor.
Shefja e Misionit, Nathalie Loiseau, e cila zyrtarisht ka nisur misionin e BE-së për vëzhgimin e zgjedhjeve në Kosovë, shprehu mbështetjen e BE-së për Kosovën, për të fuqizuar më tej qeverisjen demokratike.
Ajo i bëri këto komente në një konferencë për media ku njoftoi se misioni do t`i shpërndajë në terren 18 vëzhgues afatgjatë për t’i mbuluar të gjitha komunat ndërkohë ekipi bazë i misionit prej nëntë analistësh dhe të angazhuar të tjerë tashmë kanë filluar punën qysh në fillim të muajit.
“Zgjedhjet parlamentare të vitit 2025 janë moment me rëndësi për Kosovën, duke shfaqur pluralitetin e peizazhit politik të Kosovës. Prania e Misionit për Vëzhgimin e Zgjedhjeve nga BE në terren synon të kontribuojë në një proces zgjedhor gjithëpërfshirës, të besueshëm dhe transparent, duke u lejuar votuesve të Kosovës të shprehin zgjedhjet e tyre. Kjo gjithashtu nënvizon mbështetjen e vazhdueshme të BE-së për Kosovën për të fuqizuar më tej qeverisjen demokratike”, ka thënë Loiseau.
Shefja e misionit theksoi se do të raportohet për çdo detaj të ecurisë së zgjedhjeve duke vënë në pah sërish rëndësinë e demokracisë.
“Në secilën demokraci përfshire edhe atë në vendin tim por edhe vendet anëtare të BE-së gjithmonë ka hapësirë për përmirësim dhe e po jetojmë në një moment kur demokracia është duke u venë ne pikëpyetje pra vendet demokratikë janë të kërcënuara ne nivel global dhe rëndësia që të kemi demokraci te gjalle dhe vibrante në Kosove nuk ka qenë kurrë më e madhe sa tani. Pra do të vëzhgojmë, të vlerësojmë dhe nëse është e nevojshme nuk do të hezitojmë të theksojmë çfarëdo mundësie për përmirësime që ne do të shohim. Do të vlerësojmë të gjitha aspektet dhe të gjitha fazat e procesit zgjedhor”, ka shtuar Loiseau.
Pritjet janë të mëdha sidomos pasi këto zgjedhje do të zhvillohen me ligjin e ri” tha ajo për RTK-në.
“Prania e kamerave në vendvotime dhe bërja e shenjave me ngjyrë janë dy elemente të besimit në kushtet e votës. Numri i fletëvotimeve do të bëhet me prezencën e kamerave edhe në qendrat komunale”, tha ajo.
Vëzhguesit afatgjatë të BE-së janë nga 18 shtete, përfshirë shtetet anëtare të BE-së, Norvegjinë dhe Zvicrën. Misioni do të përforcohet me 36 vëzhgues afatshkurtër, nga një delegacion deputetësh nga Parlamenti Evropian dhe 36 diplomatë nga shtetet anëtare të BE-së, Kanada, Norvegjia dhe Zvicra, të akredituar në Kosovë deri në përfundim të procesit zgjedhor.
