Kryetari i Kuvendit të Kosovës, Glauk Konjufca, pritet të jetë zyrtari i parë i nivelit më të lartë, që do të takojë, Thaçin, Veselin, Krasniqin e Selimin, që janë të paraburgosur në Dhomat e Specializuara të Kosovës në Hagë.
Të njëjtit raportohet se e kanë pranuar kërkesën e Konjufcës për vizitë dhe një gjë të tillë e konfirmuan burime të televizionit publik.
Aktualisht, kryetari i Kuvendit, Konjufca, ndodhet në vizitë zyrtare në Austri, ku u prit edhe nga homologu austriak si dhe pati takime të tjera.
Megjithatë, ende nuk dihet data se kur një vizitë e tillë mund të realizohet.
Ministrja e Drejtësisë, Albulena Haxhiu, është zyrtarja më e lartë që deri më tash ka vizituar Dhomat e Specializuara dhe ka takuar disa nga të paraburgosurit, por jo edhe Thaçin e Veselin. Sipas Haxhiut, ishin ata që nuk pranuan të takohen me të.
