Kandidati për kryeministër nga AAK, Ramush Haradinaj, me partnerët e koalicionit ka mbajtur tubimin përmbyllës të fushatës në Gjakovë, raporton Gazeta Online Veriuinfo.
Haradinaj ka thënë se Gjakova do të jetë qendër e zhvillimit ekonomik të Kosovës.
Kandidati për kryeministër ka shpalosur programin e tij para të pranishmëve ku përfshihen shumë projekte për Gjakovën si: autostrada e Dukagjinit, hekurudha Fusehë Kosovë – Durrës, aeroporti i Gjakovës e shumë të tjera.
Postimi i plotë:
Gjakova gjithmonë ka ditë me i zgjedhë më të mirët – 137 për Kosovën Fituese
Gjakova do të jetë qendër e zhvillimit ekonomik të Kosovës.
Autostrada e Dukagjinit që lidh Prizrenin me Mitrovicën do të kalojë përmes Gjakovës, duke u bërë arteria kryesore e zhvillimit.
Hekurudha Fushë Kosovë – Durrës do t’i japë Gjakovës lidhje të drejtpërdrejtë me portin më të madh të rajonit.
Zona e biznesit amerikan do ta shndërrojë Gjakovën në qendrën më të madhe shpërndarëse të rajonit.
Aeroporti i Gjakovës do të hapet për fluturime komerciale, duke u bërë aeroporti i dytë i Kosovës.
Rruga Gjakovë-Klinë do të përfundohet brenda 6 muajve të parë të qeverisjes sonë.
Industria prodhuese ushtarake dhe poligoni i NATO-s në brezin kufitar do ta bëjnë Gjakovën qendër të sigurisë rajonale.
Të gjithë qytetarët e Kosovës do të përfitojnë nga programi ynë ekonomik.
Çdo punëkërkues do të ketë mbështetje financiare deri në punësim.
Të rinjtë do të marrin grante pa kthim për bizneset e tyre.
Paga mesatare do të jetë mbi 1000 euro dhe asnjë pension nuk do të jetë nën 500 euro.
Do ta ulim çmimin e energjisë për 20% dhe do të sigurojmë furnizim pa ndërprerje.
Çlirimtarët do të marrin pension 500 euro, pa shkëputje nga puna.
Do të trefishojmë subvencionet për bujqit.
Me anëtarësimin direkt në NATO dhe aleancën e përhershme me Amerikën, Kosova do të jetë e sigurt dhe e zhvilluar. Më 9 shkurt, voto 137 – Voto për Kosovën Fituese!
