Korab Rashiti, deputet shqiptar Kantonin e Bernit, ka hedhur kritika drejt liderit të VV-së Albin Kurti, dhe militantëve të kësaj partie, duke thënë se këta do të ndiejnë gjithmonë ‘‘një inferioritet ndaj atyre që rrezikuan jetën, me armë në dorë, për lirinë’’.
Ai ka thënë edhe se, Kurti ka shkuar aq larg sa po mohon aleatët historikë të vendit, dhe se, të njëjti janë të etur për legjitimitet sa janë të gatshëm të bëjnë gjithçka vetëm për të treguar se e meritojnë një vend në histori, por se siç ka thënë Rashiti nuk do të mbetet asgjë prej tyre.
”Ata kurrë nuk do të jenë intelektualisht Ibrahim Rugova apo Adem Demaçi. Nuk do të jenë kurrë Adem Jashari, as Hashim Thaçi, e as Ramush Haradinaj. Vendi i tyre nuk është mes atyre që e ndërtuan historinë, por mes atyre që përpiqen dëshpërimisht ta falsifikojnë atë”, ka thënë ai mes tjerash.
Postimi i plotë:
Militantët e VV-së dhe mentori i tyre do të ndiejnë gjithmonë një inferioritet ndaj atyre që rrezikuan jetën, me armë në dorë, për lirinë. Ata e dinë se kurrë nuk do të arrijnë atë që paraardhësit e tyre e skalitën në histori. Prandaj sillen me aq egërsi, prandaj përpiqen të duken më patriotë se të tjerët: ata nuk mbajnë një trashëgimi, ata vuajnë nga ndjenja e mllefit për faktin se nuk e shkruan Historinë me shkronjë të madhe. Mentori i tyre, i mbërthyer në kompleksin e tij të inferioritetit, ka shkuar deri aty sa të mohojë edhe aleatët e tij historikë. Ai është, dhe ata janë, në mllefin e atyre që kanë dështuar në rrugëtimin e tyre.
Këta njerëz janë aq të etur për legjitimitet sa janë të gatshëm të bëjnë gjithçka vetëm për të treguar se e meritojnë një vend në histori. Por nuk do të mbetet asgjë prej tyre. Ata do të jenë vetëm një iluzion i përkohshëm në fatin e Kosovës.
Ata kurrë nuk do të jenë intelektualisht Ibrahim Rugova apo Adem Demaçi. Nuk do të jenë kurrë Adem Jashari, as Hashim Thaçi, e as Ramush Haradinaj. Vendi i tyre nuk është mes atyre që e ndërtuan historinë, por mes atyre që përpiqen dëshpërimisht ta falsifikojnë atë.
🇽🇰🫡 Kosova rikthehet – në vlerat e lirisë
Zoti e bekoftë Kosovën!
Misioni im edhe kontributi ndalet këtu, per moment.
Natën e mirë.
