Blerand Stavileci, zëdhënës i PDK thotë se rezultati zgjedhor për PDK-në është i shkëlqyeshëm.
Ai në një konferencë për media ka thënë se kjo parti pret përfundimin e numërimit zyrtar, duke shtuar se janë të sigurtë “që vullneti i qytetarëve reflektohet edhe më mirë sesa çfarë pasqyrojnë rezultatet preliminare të EXIT POLL-eve”.
“Ne jemi të sigurtë që vullneti i qytetarëve reflektohet edhe më mirë sesa çfarë pasqyrojnë rezultatet preliminare të EXIT POLL-eve. Prandaj mbetemi të kujdesshëm dhe të përkushtuar që çdo votë të ruhet dhe të numërohet me korrektësi dhe transparencë. Siç kemi thënë nga fillimi dhe presim përfundimin e numërimit zyrtar, para se të dalim me qëndrime të tjera politike”, ka thënë Stavileci.
Ai ka paralajmëruar edhe një konferencë për media nga Bedri Hamza, kandidati për kryeministër.
“Gjithashtu ju informojmë që gjatë mbrëmjes kandidati ynë për kryeministër, Bedri Hamza, do të mbajë një konferencë tjetër për media për të ndarë bashkë me ju reflektimet dhe vizionin tonë për hapat e mëtejshëm. Me gjithë zemër ju falënderojmë për besimin dhe mbështetjen e juaj për këtë rezultat të shkëlqyeshëm të Partisë Demokratike. Ky është vetëm fillimi i një rruge të mbarë për Kosovën”, ka deklaruar ai.
