Kandidati i PDK-së për deputet, Mergim Lushtaku, ka falenderuar qytetarët për 200 mijë votat e dhëna për PDK-në.
Ai thotë se mbi 400 mijë votues shqiptarë dënuan një pushtet që për 4 vjet prodhoi vetëm skandale, ndërsa për 30 ditë të fushatës ushqeu urrejtje, përçarje e vëllavrasje, transmeton VeriuInfo.
Postimi:
Mbi 200,000 zemra e mendje u rreshtuan me ne për një Kosovë më të mirë, e në total mbi 400,000 shqiptarë dënuan një pushtet që për 4 vjet prodhoi vetëm skandale, ndërsa për 30 ditë të fushatës ushqeu urrejtje, përçarje e vëllavrasje.
Xhipat e zinj dhe veturat zyrtare nuk e ndihmuan, as milionat e Nagipit e të Martinit nuk e ndihmuan.
Me gjasë ekstazia e asambleistit të tyre Mujeci i ka bërë me halucinacione. Festonin dhe ofendonin, edhe pasi humbën shumicën që kishin pas dikur.
Ai vazhdoi me të njëjtën gjuhë urrejtjeje, i quajti hajvana familjet e mbi 400 mijë votuesve, të tjerët rreth tij na shanë e ofenduan. Frustrimi i tyre është i madh dhe frika që do të përfundojnë aty ku e kanë vendin, edhe më e madhe.
Rezultatet i vonuan, tentuan edhe ti manipulojnë, e sistemi kinse ju dështoi siç dështuan vet.
Ama, një gjë është e sigurt, populli i dha shumicë parlamentare opozitës.
Kosova meriton shumë më shumë, dhe do të bëhet #MaMirë!
Faleminderit nga zemra për besimin dhe mbështetjen tuaj.
Gjithmonë, me ju dhe për ju! ❤️
