Debate e mospajtime kanë ndodhur në “Politiko” në mes të kandidatit për deputet nga Lëvizja Vetëvendosje-Guxo, Nezir Krakit dhe komentatorit politik, Sadik Zeqirit.
Zeqiri ka thënë se kryeministri nuk duhet të përdorë gjuhë të ashpër tash pas publikimit te rezultateve, teksa debati kaloi për presidenten e vendit, Vjosa Osmanin dhe frymën rugoviane.
“Bile kryeministrit nuk i takon. Ai në vend se me festu me ata deputetë me kryetaren tane se unë nuk e di kanë e ki kryetare sepse ti në Guxo je shku për shkak të Vjosa Osmanit dhe ajo nuk është aty”, ka thënë Zeqiri.
Ndaj një opinioni të tillë ka reaguar Kraki.
“Aty gjendet fryma në të cilën e ka përfaqësu Vjosa Osmani në atë kohë”, ka thënë Kraki.
Zeqiri është shprehur i bindur se nuk ka frymë rugoviane në Guxo dhe VV.
“A ti je shku mas frymës rugoviane a po? Ku ka more frymë rugoviane në Guxo dhe në Vetëvendosje”, ka thënë Zeqiri.
“Po të kishte met fryma rugoviane tek zyret e LDK-së kishim pa rezultat”, ka thënë Kraki.
“Edhe VV ka frymë rugoviane sot sepse qëllimi i saj ka qenë Kosova, shtet i konsolidum, i pavarur”, ka thënë Kraki.
