Mjaftuan pak muaj në detyrën e re që drejtoresha e Arsimit në komunën e Mitrovicës, Drita Kadriu, që të dënohet nga Inspektorati i Punës për shkelje flagrante të Ligjit të Punës.
Veriu.info ka raportuar ekskluzivisht përmes dokumentit për shqiptimin e gjobës ndaj drejtoreshës Drita Kadriu për shkeljen e Ligjit të Punës, me rastin e një mësimdhënësje të cilës i janë hequr orët e rregullta duke i mbetur vetëm 9, kurse 13 orë i janë dhënë zgjedhore.
Por skandali i drejtoreshës së Arsimit, Drita Kadriu, shkon më tej.
Drejtoresha Kadriu rrezikon kallëzim penal për deklarim të rrejshëm zyrtar, pasi në pyetjet e Inspektoratit të Arsimit për çështjen në fjalë ajo deklarohet se mësimdhënësja në fjalë ka marrë kontratë të punës pa konkurs publik.
Mësimdhënësja që është ankuar në Inspektorat të Punës, sipas drejtoreshës Kadriu është pranuar në punë dhe ka marrë kontratë në vitin 2011 pa konkurs.
Inspektorati i Punës ka bërë inspektim të rastit dhe në fund ka rezultuar se mësimdhënësja është pranuar në punë më 2011 përmes konkursit publik dhe ka qenë e vetmja kandidate që ka plotësuar kushtet.
Po ashtu drejtoresha Kadriu ka deklaruar se mësimdhënësja ka kontratë me kohë të pacaktuar dhe sipas Inspektoratit të Punës në bazë të Ligjit të Punës, kur një mësimdhënës nuk ka specifika të hollësishme për kohëzgjatjen e kontratës atëherë konsiderohet si kontratë me kohë të pacaktuar dhe nuk ka bazë ligjore për kontestimin e konratës dhe vendit të punës.
Kujtojmë që shkeljet e cekura edhe në shkrimin e mëhershëm kanë të bëjnë me dy pika kryesore, e para mospërgjigjja në kërkesën e mësimdhënëses në afat 15 ditësh, dhe e dyta në heqjen e orëve të rregullta për të dhe shpallja e konkursit të jashtëm për orët e lëndës së njëjtë, Gjuhë dhe Letërsi Angleze, pasi sipas kontratës kolektive në raste të tilla fillimisht nëse ka nevojë për mësimdhënës të fushës orët duhet t’i jepen një mësimdhënësi që nuk ka normën e plotë.
Por DKA në Mitrovicë jashtëligjshëm shpall konkurs për mësimdhënës të Gjuhës Angleze në SHFMU “Eqrem Çabej”, duke pasur mësimdhënës brenda sistemit arsimor që nuk kanë normë të plotë (20 orë), siç është ankuesja në fjalë, raporton VERIU.INFO.
Veriu.info sjellë ekskluzivisht për lexuesit pjesën e vendimit të Inspektoratit të Punës, ku specifikisht shpjegohet deklarimi i rrejshëm zyrtar i drejtoreshës Drita Kadriu, që ngrit bazë për kallëzim penal:
