Komentatori i njohur për shpërthimet e tij gjatë transmetimeve direkte të ndeshjeve sportive, Andin Lokaj ka përborur gjuhë ofenduese ndaj kryeministrit Albin Kurti gjatë komentimit të ndeshjes Juventus – Inter.
Ai e ka quajtur “hajvan”, kryeministrin Albin Kurti, duke iu përgjigjur me etiketën e njëjtë që Kurti iu ka referuar opozitës më 9 shkurt, duke i quajtur “hajvanë”.
“Kryeministri me hajvan në histori, e kam një dëshire që kryeministri me hajvan mos me dëgjoj sonte, se e nali. Kryeministri, po çfarë kryeministri more, me hajvani”, dëgjohet Lokaj gjatë komentimit të pjesës së parë të ndeshjes.
Lokaj duket se nuk i ka rënë pishman. Ai ka thënë për Gazetën Insajderi se ka qenë e planifikuar dhe një dhuratë për Pavarësinë ndaj Kryeministrit Kurti.
“E kom pas planifiku pas zgjedhjeve, po mu kujtua data e Pavarësisë, e lash si dhuratë”, ka thënë Andin Lokaj për Insajderin.
Platforma Artmotion e ka dënuar gjuhën e komentatorit Andin Lokaj gjatë komentimit të ndeshjes.
Në reagimin e Artmotion thuhet se gjuha e përdorur nga komentatori i ndeshjes ishte e pavend dhe joprofesionale.
Ndaj Lokajt është inciuar procedurë disiplinore.
