Gjermanët do të hedhin votën e tyre të dielën për të zgjedhur një parlament të ri, që do të përcaktojë se si do të udhëhiqet vendi në katër vitet e ardhshme.
Në tubimet e tyre të fundit, kandidatët për kancelar të ardhshëm të gjermanisë Olaf Scholz dhe kreu i partisë CDU Friedrich Merz, bën thirrje për ndërtimin e një Europe më të fortë dhe të qëndrueshme. Nuk munguan as sulmet ndaj administratës amerikane.
“Ne jemi të përkushtuar ndaj një Europe të fortë, sepse ne nuk e kemi lënë vetëm Evropën. Unë jam plotësisht i bindur se shumë njerëz do të votojnë për SPD sepse e ardhmja e vendit tonë është në rrezik. Duhet të bëjmë diçka për paqen dhe sigurinë në Europë pasi po kalojmë një kohë të vështirë me aleatin tonë SHBA”, tha kancelari gjerman Scholz.
Të njëjtin qëndrim shpalosi edhe kandidati i CDU, Friedrich Merz.
“Detyra më e rëndësishme e qeverisë së ardhshme federale dhe e personit që do të kryesojë këtë qeveri federale do të jetë që të përmbushë edhe një herë me forcë përgjegjësinë e Gjermanisë në Bashkimin Europian. Në asnjë rrethanë gjërat nuk mund të mbeten siç janë tani. Ne duhet dhe do ta ndryshojmë këtë, të dashur miq”, tha kandidati i CDU Friederich Merz.
Merz gjithashtu këmbënguli përsëri se bashkëpunimi i mundshëm me partinë e krahut të djathtë Alternativa për Gjermaninë (AfD) ishte jashtë diskutimit. CDU/CSU ka udhëhequr vazhdimisht sondazhet për muaj me radhë, me 29 përqind, ndërsa Alternativa për Gjermaninë (AfD) me 21 përqind. Social Demokratët e kancelarit Olaf Scholz renditen të tretët me 15 përqind, ndërsa të Gjelbërit dhe Demokratët e Lirë me 13 përqind dhe 5 përqind respektivisht. Partia e majtë e ekstremit të majtë u rrit me një pikë në 8 përqind.
Me të gjitha partitë që refuzojnë të punojnë me AfD-në në sondazhet e fundit tregojnë se do të jetë pothuajse e pamundur për partitë e tjera të formojnë një shumicë. Fushata e tensionuar u dominua nga tema si emigracioni i paligjshëm dhe lufta në Ukrainë, por zgjedhësit i druhen edhe recesionit të vendit që konsiderohet si një nga shtyllat e ekonomisë evropiane. /klannews
