Kryeministri i Kosovës, Albin Kurti është deklaruar nga Gjilani lidhur me kërkesën e prokurorisë për intervistim në rastin e rezervave shtetërore.
Kurti, nga vendosja e gurthemelit të një çerdhe në Gjilan, ka thënë se është i gatshëm për intervistim nga zyra e tij.
Ai ka thënë se edhe në të kaluarën ka ndodhë kjo praktikë, dhe nuk ka arsye pse mos të vazhdohet.
‘’Unë asnjëherë nuk kam thënë që nuk do të japë dëshminë time, përkundrazi jam i gatshëm edhe interesuar. Në anën tjetër, kam shkruar edhe një letër ku kam ofruar oraret kur mund të bëhet dëshmia, unë i mirëpres prokurorinë e shtetit në zyrën time, ka pasur raste edhe në të kaluarën, nuk ka arsye që kjo të mos vazhdohet’’, ka thënë Kurti.
Më tutje Kurti u shpreh se Prokuroria është më e interesuar që ti mbush ballinat e portalit të një oligarku se sa të sjellë drejtësi.
