Paneli i gjykatësve në rastin e ish-krerëve të Ushtrisë Çlirimtare të Kosovës ka pranuar një sërë provash për tri zonat operative të Kosovës: Zonën e Drenicës, Shalës, Llapit dhe Karadakut.
Në parashtresën e publikuar në një version më pak të redaktuar, provat e Zyrës së Prokurorit të Specializuar të pranuar nga gjykata thuhet se këto prova lidhen me strukturën dhe organizimin e UÇK-së në zonat respektive.
Këto prova të reja janë pranuar veç një muaj para se të përfundojnë dëshmitarët e Prokurorisë në rastin e Thaçit dhe të tjerëve.
Në prova thuhet se aty janë dokumente për njësi të veçanta, brigada e vendime të dala nga Zona e Drenicës.
Në mesin e tyre janë edhe dokumente për Njësinë e Grave në kuadër të UÇK-së në Drenicë.
“Në lidhje me këtë, Paneli paraqet se: 6-9, 11, 13-14, 19, 26-28, 34B-34C, 58-59 dhe 62 përbëhen nga lista të ndryshme individësh dhe ushtarësh, regjistrimi i anëtarëve, ndarja e armëve, pajisjeve dhe përdorimi i karburantit, si dhe caktimi në zona ose njësi të caktuara; (ii) Ekspozita e propozuar 4 përbëhet nga një faqe kopertine e shkruar me dorë të titulluar “Njësia Ushtarake e Grave të Ushtrisë Çlirimtare të Kosovës – Rregulloret e Punës”; (iii) Prova e propozuar 5 përbëhet nga një “raport pune” i shkruar me dorë, me titull “Stafi i Nënzonës Operative Lokale të Drenicës – Trajnimi për Njësinë Femrash”; (iv) Ekspozita e propozuar 10A përbëhet nga një dokument i titulluar “Struktura Organizative e Formacionit – Brigada e Lehtë”; (v) Ekspozitat e propozuara 12, 29-31, 33-35 dhe 44 përbëhen nga fletore dhe ditarë të ndryshëm të shkruar me dorë; 62 (vi) Prova e propozuar 15 përbëhet nga një dokument i titulluar “Regjistri i punonjësve të kuzhinës (kuzhinierëve, ndihmësve të tyre) dhe personelit teknik të ushtrisë ‘Kazerma Guri’ dhe orari i punës së tyre”, thuhet ndër të tjera në vendim.
“Prova e propozuar 32 përbëhet nga një koleksion i dokumenteve të shkruara me dorë, duke përfshirë faturat për blerjen e ushqimit dhe benzinës, dhe një listë të ushtarëve të UÇK-së; (xii) Ekspozita e propozuar 34A përbëhet nga shënime të shkruara me dorë që i referohen një takimi të datës 29 nëntor 1998 me Brigadat 111, 112, 113 dhe 114; (xiii) Prova e propozuar 36 përbëhet nga një diplomë për “Fejzulla Geci” nga “Shkolla Ushtarake e Shtabit të Komandës së Ushtrisë Çlirimtare të Kosovës në Zonën Operative Drenicë” e nënshkruar nga “Komandanti Sami Lushtaku””, thuhet ndër të tjera.
Trupi gjykues thotë se të gjitha këto pika janë të rëndësishme për pretendimet në aktakuzë, që përfshijnë “strukturën dhe nivelin e organizimit të UÇK-së, në veçanti, në lidhje me ekzistimin e sistemit të regjistrimit të anëtarëve, trajnimin e anëtarëve dhe furnizimet logjistike në Zonën e Drenicës; strukturën dhe organizimin e Zonës së Drenicës; komandën dhe kontrollin e Shtabit të Përgjithshëm të UÇK-së në Zonës së Drenicës; koordinimin dhe bashkëpunimin ndërmjet zonave operative; rolet dhe autoriteti i, ndër të tjera, Jahir Demakut, Sylejman Selimit dhe Sami Lushtakut dhe ekzistenca e pretenduar e një konflikti të armatosur në atë kohë”.
Tek Zona e Shalës thuhet se, ndër të tjera, paneli ka pranuar trajnimet e njësisë speciale e lista të njerëzve që kishin udhëtuar për në Gllogjan për të marrë armë.
“Ekspozitat e propozuara 1-4 përbëhen nga dokumente që listojnë ushtarët, planet e trajnimit dhe një kërkesë për të marrë pjesë në trajnimin e njësisë speciale; 45 (ii) Prova e propozuar 5 përbëhet nga rregulloret e shërbimit të UÇK-së;46 (iii) Prova e propozuar 6 përbëhet nga një koleksion i lejeve për lëshimin e benzinës dhe naftës; (iv) Ekspozitat e propozuara 7 dhe 11-12 përbëhen nga listat e rojeve dhe oraret e oficerëve të detyrës; (v) Prova e propozuar 8 përbëhet nga një dokument i Shtabit Operativ të UÇK-së në Çyçavicë me një listë të emrave të personave që do të udhëtonin në Gllogjan për të marrë armë; (vi) Provat e propozuara 9 dhe 23 përbëhen nga urdhra të UÇK-së për çështjet ushtarake nga Komandanti i Zonës Operative të Shalës dhe çështjet civile nga Komandanti i Shtabit të Nënzonës së Çyçavicës”, thuhet ndër të tjera.
Paneli përveç strukturës komanduese, thotë se ZPS’ja synon që përmes këtyre provave të vërehet “përgjegjësia penale për krimet; dhe personat “e dyshimtë” dhe kundërshtarët, që u shënjestruan, u arrestuan, u ndaluan dhe u keqtrajtuan në lokacione të ndryshme në Zonën Operative të Shalës, përfshirë disa të transferuar në zona të tjera”.
Paneli ka pranuar nga Zona Operative e Karadakut një raport nga Ministria e Mbrojtjes së Qeverisë së Përkohshme, formularë për lëshimin e armëve dhe një raport që tregon ngjarjet e ndodhura atje.
“Paneli më tej thekson se ZPS-ja mbështetet në Eksponatet e Propozuara në lidhje me ZO të Karadakut për të demonstruar, ndër të tjera, se: (i) çështjet organizative, logjistike dhe të tjera që dalin në Zonën Operative të Karadakut i janë adresuar Shtabit të Përgjithshëm dhe Qeverisë së Përkohshme të Kosovës; (ii) ZO e Karadakut bashkëpunoi ngushtë me Zonën kufitare të Llapit; deri në prill 1999, ZO e Karadakut kishte policinë ushtarake dhe kishte themeluar Brigadën; Komandanti i ZO të- Karadakut lëshoi urdhra me shkrim për personat që raportonin në Komandën e Karadakut; strukturat komunale të PGoK-së, shërbimet publike, shërbimet komunale dhe administratorët e përkohshëm të kontrolluara nga ZO e Karadakut”, thuhet ndër të tjera.
ZPS pretendon në provat e pranuara se Ahmet Isufi nxori urdhra, ndër të tjera, që ndalonte marrëveshjet me palën serbe, Forcat e Kosovës të udhëhequra nga NATO (“KFOR”) ose ndonjë palë tjetër.
Po ashtu, pretendohet në këto prova se Zona Operative e Karadakut mbante listat, oraret dhe materialet e stërvitjes, biletat e ushqimit, dokumentet e policisë ushtarake dhe të dhënat e personave që nuk konsideroheshin besnikë ndaj UÇK-së.
Në provat materiale të pranuara nga paneli i gjyqtarëve, flitet për një vizitë që e kishte bërë Thaçi, Krasniqi e Selimi në zonën e Llapit.
“Paneli gjithashtu vëren se Prokuroria mbështetet në Dëshmitë e Propozuara që lidhen me organizatën e UÇK-së në vitin 1998 dhe fillim të vitit 1999 për të dëshmuar, ndër të tjera, se: (i) në gusht 1998, një delegacion i Shtabit të Përgjithshëm të UÇK-së (“Shtabi i Përgjithshëm”), përfshirë Hashim Thaçin, Rexhep Selimin dhe Jakup Krasniqin, vizituan zonën e Llapit dhe dhanëë emërime formale me shkrim për anëtarët e Komandës së Llapit, përfshirë Kryetarin e Inteligjencës, Latif Gashin; (ii) Komanda e zonës së Llapit mbante takime, ishte përgjegjëse për të gjitha njësitë e UÇK-së në Llap, ishte shpesh në kontakt me komandantët në zona të tjera, dhe ishte në kontakt me Shtabin e Përgjithshëm (përfshirë të Akuzuarit), duke bërë raporte dhe duke marrë urdhra, udhëzime dhe rregullore”, thuhet më tutje në vendim.
Nëpërmjet këtyre dokumenteve, Prokuroria synon të dëshmojë se UÇK’ja ka qenë një ushtri e rregullt e me zinxhir të mirëfilltë komandues.
