Dardan Molliqaj nga PSD ka theksuar se demokracia nuk është thjesht një çështje aritmetike parlamentare, por një proces i vazhdueshëm i negociatave dhe kushtëzimeve, ku pjesëmarrja ka rëndësi vetëm nëse përfaqëson vullnet politik dhe jo nënshtrim procedural.
Ai ka kritikuar LDK-në, duke thënë se partia po fokusohet ekskluzivisht në marrjen e postit të kryeministrit, pa marrë parasysh gjendjen politike të vendit.
Molliqaj ka pyetur nëse LDK do të qëndrojë e palëkundur në qëndrimet e saj parazgjedhore dhe elektorale, apo do të ndryshojë qasjen e saj, duke e parë pjesëmarrjen në seancën për zgjedhjen e presidentit si një mundësi për të ndikuar dhe jo thjesht për të legjitimuar situatën.
