Sekretari i Përgjithshëm i NATO-s, pasditen e së martës gjatë vizitës në Kosovë, takoi një grup të mediave vendore e ndërkombëtare, përfshirë Klan Kosovën, ku u deklarua për çështjet më kritike të sigurisë dhe politikës në Kosovë, rajon e botë.
Mes tjerash, Rutte siguroi se Shtetet e Bashkuara të Amerikës, dhe presidenti Donald Trump, mbeten të përkushtuara në KFOR dhe në NATO, raporton Klan Kosova.
Mes tjerash, mysafiri nga Brukseli foli edhe për mundësinë e anëtarësimit të Kosovës në Aleancën Veriatlantike, dhe ujdia që akoma qëndron dhe e cila thotë se Forca e Sigurisë së Kosovës nuk mund të angazhohet në veri të vendit pa lejen paraprake të misionit paqeruajtës, pra KFOR-it, dhe komandantit të tij.
Ndjekim një set deklaratash të shefit të NATO-s:
