Të paktën 50 persona kanë ndërruar jetë dhe mbi 100 të tjerë janë plagosur pas rënies së zjarrit në një klub nate në Koçan, të Maqedonisë së Veriut.
IndeksOnline ka kontaktuar me Ambasadën e Republikës së Kosovës atje, lidhur me këtë ngjarje.
Për IndeksOnline, ata kanë thënë se nuk ka shtetas të Kosovës të përfshirë në këtë tragjedi.
”Sipas burimeve ekzistuese nga MPB e Maqedonisë së Veriut, nuk ka shtetas të Kosovës në tragjedinë që ka ndodhur në diskotekën e Kocani, në lindje të vendit. Sipas informacioneve, viktimat janë qytetar lokal të zonës së Kocani.”
Tutje nga Ambasada deklaruan se shteti i Kosovës ka ofruar ndihmë për të lënduarit.
”Ambasada vijon komunikimin e ngushtë me autoritetet relevante përderisa shteti i Kosovës ka ofruar ndihmë për të lënduarit dhe të plagosurit.” thuhet në përgjigjjet e tyre për IndeksOnline.
