Gjykata Speciale nuk i dha leje ish-Presidentit, Hashim Thaçi, të marrë pjesë në varrimin e babait të tij, Haxhi Thaçi.
Përmes një komunikate për media, Dhomat e Specializuara të Gjykatës së Hagës, kanë sqaruar situatën e mosardhjes së ish-presidentit të Kosovës Hashim Thaçit, në varrimin e të atit.
DHSK-ja sqaron se korniza ligjore i lejon të paraburgosurit të kërkojnë një vizitë në Kosovë për arsye detyruese humanitare.
“Gjyqtarët e miratuan këtë rregull bazuar në ligjin ndërkombëtar për të drejtat e njeriut, duke përfshirë nenin 5 të Konventës Evropiane për të Drejtat e Njeriut dhe Rregullat Standarde Minimale të Kombeve të Bashkuara për trajtimin e të burgosurve”, thuhet në komunikatën e dërguar mediave.
Në lidhje me mungesën e ish-Presidentit Thaçi në cermoninë mortore të babait të tij dhe arsyet se pse ai s’është lejuar nga Gjykata Speciale ka folur për“Gazeta Blic” avokati kosovar, Xhevdet Smakiqi.
Smakiqi tha se asnjë arsyetim ligjor nuk ekziston në rastin konkret nga ana e Dhomave të Specializuara të Kosovës në Hagë.
Ai tha se mbështetur në deklaratën e kryeavokatit të tij, Mishetiq, i njëjtt edhe pse e ka dërguar kërkesën dje në ora 14:00, kjo kërkesë nuk është shqyrtuar dhe është neglizhuar edhe pse rrethanat ishin të natyrës urgjente.
“Asnjë arsyetim ligjor nuk ekziston ne rastin konkret nga ana e Dhomave te Specializuara të Kosovës ne Hage, pasiqë mbështetur në dekleratën e Kryeavokatit të Ztr.Misetic ai edhe pse e kishte dorëzuar kërkesen dje me date 17.03.2025 ne orën 14:00 trupi gjykues as gjyqtarja e Procedures Parprake as që e kanë shqytuar e kanë neglizhuar edhe pse kerkesa dhe rrethanat faktike kanë qenë të natyres urgjente” deklaroi avokati Smakiqi.
Ai tha se në rastin konkret qasja ndaj Thaçit nga ana e Gjykatës Speciale është arbitrare.
Smakiqi potencoi se Thaçi është duek u keqtrajtuar politikisht.
“Konsideroj se në rastin konkret e gjithë qasja ndaj zotit Thaçi nga ana e Gjykates Speciale është arbitrare kundër nenit 5 te Konventes për Mbrojtjene e Te Drejtave Themelore te Njeriut në kundershtim me nenin 31 te Kushtetutës së Kosoves nenin 129 dhe çdo standardi njerëzor e human.Hashim Thaçi është duke u keqtrajtuar politikisht e persekutuar e poshtëruar e bashke me të dhe historia e luftës per liri, historia e shtetit te Kosovës” deklaroi avokati Smakiqi në një intervistë dhënë për “Gazeta Blic”.
Me datën 13 mars, ish-Presidenti Thaçi u lejuar të vinte për disa orë në Kosovë që të vizitonte babain e tij të sëmurë në QKUK.
Kjo vizitë u shoqërua me masa të rrepta siguria nga ana e Gjykatës Speciale.
