Policia e Kosovës ka realizuar një operacion të gjerë në veri të vendit, me fokus në luftimin e veprimtarive kriminale, kontrabandës me armë dhe municion.
Aksioni është zhvilluar në 21 lokacione në Mitrovicë, ku janë arrestuar gjithsej 16 persona.
Me vendim të prokurorit, 13 nga 16 të arrestuarit janë dërguar në mbajtje.
Veriu.info nga Prokuroria e Mitrovicës mëson se në mesin e të arrestuarve është edhe zyrtari policor T. Radiojevic.
Burime të Veriu.info bëjnë të ditur se ai është arrestuar në Mitrovicën e veriut, përderisa i njëjti ka shtëpi në Mitrovicë të veriut dhe Zveçan.
Veriu.info ka dërguar pyetje edhe në Inspektoratin Policor për të pyetur për arrestimin e këtij polici, por deri në momentin e publikimit të këtij artikulli nuk kemi marrë përgjigje.
