Komuna e Gjilanit ka hapur kontratën për ”Ndërtimi i projektit të integruar të Bulevardit të qytetit Gjilan”. Projekt që nuk ishte votuar nga opozita për buxhetin e vitit 2025. Komuna si duket tashmë ka gjetur një rrugë dhe ka hapur tenderin. Por, qysh në fillim ka bërë shkelje të ligjit. Nga 40 ditë sa është i paraparë afati i garës për operatorët ekonomikë, është shkurtuar në 20 ditë.
18 milionë euro janë paraparë nga Komuna e Gjilanit për ‘Ndërtimi i projektit të integruar të Bulevardit të qytetit Gjilan”.
Por, qysh në fillim të këtij procesi janë vërejtur parregullsi.
Tenderi është hapur më 18 mars, dhe afati i fundit për dorëzimin e ofertave është 7 prill.
Pra, Komuna ka lënë vetëm 20 ditë kohë për kompanitë që dëshirojnë të ofertojnë në këtë tender.
Dyshimet për shkelje të ligjit
Komuna me tenderin 18 milionësh ka ngritur dyshimet për shkelje të ligjit.
Sipas ligjit kontratat e mëdha duhet të kenë afat minimal 40-ditor për pranimin e ofertave dhe afati kohor i caktuar nga autoriteti kontraktues për pranimin e tenderëve, ose kërkesave për pjesëmarrje duhet të jetë i mjaftueshëm për t’iu dhënë operatorëve të interesuar ekonomik, kohë të mjaftueshme për të përgatitur dhe dorëzuar dokumentet në fjalë.
Neni 44 Rregullat e Përgjithshme për Caktimin e Afateve Kohore për pranimin e Tenderëve ose Kërkesave për Pjesëmarrje Gjatë një prokurimi që zbaton procedurën e hapur, autoriteti kontraktues do të caktojë një afat kohor për pranimin e tenderëve që është:
“Kur kontrata përkatëse është kontratë publike me vlerë të madhe, jo më pak se dyzet (40) ditë; dhe Kur kontrata përkatëse nuk është kontratë publike me vlerë të madhe, jo më pak se njëzet (20) ditë”, thuhet në ligj.
Pra, edhe pse tenderi kap një shifër të lart, komuna dha një afat kohor prej 20 ditësh.
Lidhur me këtë Komuna u arsyetua se po bëhet për të shmangur vonesat për shkak të dimrit.
“Meqënëse ky projekt është një nga projektet më të mëdha për regjenerimin urban të qendrës së qytetit dhe objektin e ri të administratës, kërkojmë që ky aktivitet të publikohet me afat të shkurtër kohor, për të shmangur vonesat për shkak të dimrit”, thuhet në arsyetimin e Komunës.
Në anën tjetër, afati prej 20 ditësh nuk i lë kohë kompanive për t’u përgatitur ofertat e tyre në bazë të kërkesave që ka Komuna.
Heqja e projektit të Bulevardit të qytetit të Gjilanit nga opozita
Kryetari Alban Hyseni pas votimit të buxhetit komunal për vitin 2025, kishte deklaruar se propozimi për heqjen e projektit të Bulevardit të qytetit të Gjilanit nga partia opozitare LDK-dega në Gjilan, është në dëm të qytetarëve.
“Heqja e projektit të Bulevardit të qytetit të Gjilanit në vlerë prej 800 mijë euro është një lajm jo i mirë për qytetarët dhe për buxhetin komunal. Ky do ishte ndryshimi më i madh urbanistik në histori të qytetit të Gjilanit”, ka thënë tutje Hyseni.
Sipas opozitës, u tha se ky projekt është jashtë planit zhvillimor komunal.
Në ndërkohë në kontratën e publikuar nga Komisioni Rregullativ i Prokurimit Publik, thuhet se pagesat lidhur me këtë aktivitet të prokurimit bazohen në Marrëveshjen për bashkëpunim të lidhur mes Ministrisë së Mjedisit dhe Planifikimit Hapësior dhe Infrastrukturës dhe Komunës së Gjilanit. /Insajderi.org/
JU REKOMANDOJMË
Haziri zbulon prapaskenat e bisedimeve Kurti–Abdixhiku për çështjen e presidentit
Sipas nënkryetarit të LDK-së, Lutfi Haziri, ky subjekt nuk do të propozojë askënd për postin e presidentit të vendit, përderisa nuk ka ose nuk bëhet publike një ujdi...
Më shumëDetailsDW: Konferenca për Hormuzin në Paris – Një shenjë uniteti
Kalim i sigurt nëpër Ngushticën e Hormuzit u kërkua nga shumë shtete në Paris. Në Konferecën e organizuar nga presidenti Macron u fol për sigurimin e saj përmes...
Më shumëDetailsFSK përmbyll me sukses garën ndërkombëtare ‘Ushtari më i mirë 2026’- Dëshmohet niveli i lartë i ndërveprueshmërisë me partnerët
Forca e Sigurisë së Kosovës ka përmbyllur me sukses garën ndërkombëtare “Ushtari më i mirë 2026”, ku morën pjesë gjithsej 44 ushtarakë nga vendi dhe partnerët ndërkombëtarë. Sipas...
Më shumëDetailsNdodh edhe incidenti i dytë në Ngushticën e Hormuzit
Një incident i dytë ka ndodhur në Ngushticën e Hormuzit, disa orë pasi anijet luftarake iraniane qëlluan një cisternë që po kalonte nëpër këtë rrugë ujore, sipas Organizatës...
Më shumëDetailsHaziri: Vetëvendosje mblodhi vota masive në emër të Vjosa Osmanit presidente, s’e mbajti fjalën me të, LDK i kishte votat
Nënkryetari i LDK’së, Lutfi Haziri, duke komentuar deklaratën e nënkryetarit të Lëvizjes Vetëvendosje, Glauk Konjufca, se me ish-presidenten Vjosa Osmanin opozita po kalkulon në uljen e përqindjes së...
Më shumëDetailsReuters: Dy anije tregtare u qëlluan me armë zjarri derisa përpiqeshin të kalonin Ngushticën e Hormuzit
Të paktën dy anije tregtare thanë se u qëlluan me armë zjarri ndërsa përpiqeshin të kalonin Ngushticën e Hormuzit të shtunën, thanë tre burime të sigurisë detare dhe...
Më shumëDetails