Gjykata Speciale ka konfirmuar se ish-presidenti Hashim Thaçi ka realizuar një vizitë në Burojë të Skenderajt, për të nderuar varrin e babait të tij, Haxhi Thaçi.
Gjatë qëndrimit të tij në Kosovë, ish-presidentit do t’i lejohet të kalojë kohë edhe me familjarët e tij të ngushtë pas nderimeve në varreza.
Këtë e ka konfirmuar zëdhënësi i Gjykatës Speciale, Michael Doyle, i cili tha se se vizita është lejuar për arsye humanitare.
“Për arsye humanitare të konsiderueshme, trupi gjykues dhe gjyqtari i procedurës paraprake kanë udhëzuar Sekretarin të mundësojë një vizitë të mbikëqyrur në Kosovë për Hashim Thaçin, që t’i bëjë nderimet dhe të kalojë kohë me familjen e tij të ngushtë.”, ka konfirmuar Doyle.
