Berat Buzhala dhe Çim Peka u përfshin në një debat për korrupsionin e qeverive në Prishtinë dhe Tiranë.
Dy gazetarët u përplasën fillimisht për rolin e SPAK-ut në Shqipëri dhe aferën e inceneratorëve, një skeme të madhe korruptive në Shqipëri.
Përplasja mes tyre ndodhi në emisionin ‘Çim Peka Live’ në Syri TV.
Peka insistoi në qëndrimin e tij se SPAK nuk është i pavarur nga kryeministri Edi Rama, derisa Buzhala e kundërshtoi duke thënë se kreu i SPAK, Altin Dumani, është i pavarur dhe se SPAK del në sondazhe si institucion shumë kredibil.
Moderatori i emisionit tutje i kujtoi Buzhalës se afera e inceneratorit dyshohet se peshon 130 milionë euro.
“Ke bërë namet në Kosovë për dikë që thua ka marrë 350 mijë euro.. për ministrin e Bujqësisë dhe thua korrupsion i madh”, tha Peka.
“Jo nuk është 350 mijë euro.. 700 milionë euro kanë blerë rrymë. 700 milionë nga ble rrymë. 700. Ka ble z. Kurti”, u përgjigj Buzhala.
“Ajo rrymë është përdorur apo jo?”, pyeti Peka gazetarin Buzhala, i cili ia ktheu:“Gjasat janë reale. E kanë mbajt një bllok, një termocentral dy muaj jashtë prodhimit, pa e kthyer kurrë në prodhim, 35 milionë euro ka kushtuar – puna nuk është kryer”
“Kurti ka abuzuar me 700 milionë, me projekte njëburimore. Kanë hequr blloqe nga përdorimi, edhe kanë blerë rrymë”.
