Në lidhje me ngjarjen janë arrestuar pronarët e biznesit.
Zyra e Guvernatorit të Kocaelit tha në një deklaratë se 648 persona kërkuan trajtim mjekësor me ankesa për të përziera, ethe dhe të vjella. Ndërsa 646 persona kanë dalë nga spitali, dy fëmijë qëndrojnë nën kujdesin mjekësor në një spital privat, transmeton Klankosova.tv.
Ekipet e sigurisë ushqimore nga Drejtoria lokale e Bujqësisë dhe Pylltarisë inspektuan restorantin dhe morën mostra nga doneri i pulës. Mostrat janë dërguar në Laboratorin e Kontrollit të Ushqimit në Kocaeli për analiza.
Laboratori zbuloi se doneri i pulës doli pozitiv për kontaminim dhe nuk përmbushte standardet e përcaktuara në Rregulloren e Kritereve Mikrobiologjike të Kodit të Ushqimit të Turqisë. Restoranti më pas u mbyll nga Bashkia Korfez.
Në dritën e gjetjeve, autoritetet nisën procedurat ligjore kundër restorantit. Dy pronarët, të identifikuar si K.Y. dhe E.T., u morën në paraburgim dhe më pas u arrestuan nga një gjykatë vendase me akuza për shkelje të sigurisë ushqimore.
Zbardhues rrobash për ta bërë mishin e pulës të duket i freskët
Ekspertët e shëndetësisë kanë ngritur shqetësime për rritjen e kohëve të fundit të sëmundjeve ushqimore të lidhura me mishin e shpendëve në Turqi. Doneri i pulës, shpesh i preferuar për çmimin e tij të përballueshëm e tij në krahasim me varietetet e mishit të kuq, ka qenë në qendër të disa incidenteve të kontaminimit.
Specialisti i gastroenterologjisë, Prof. Dr. Vedat Goral, komentoi mbi rreziqet më të gjera që lidhen me ushqimin e shpejtë që shitet në rrugë dhe që për bazë ka shpendët. “Konsumimi i pulës së papërpunuar ose të papjekur, rrit rrezikun e infeksioneve bakteriale”, tha ai për AA. “Patogjenët si Salmonella, Campylobacter dhe Clostridium perfringens mund të shkaktojnë probleme serioze shëndetësore, veçanërisht për grupet vulnerabël si fëmijët, të moshuarit, shtatzënat dhe ata me sistem imunitar të dobësuar”.
Goral paralajmëroi gjithashtu për praktikat e paligjshme në disa hapësira të parregulluara, duke thënë: “Dihet se disa shitës e zbardhin mishin e prishur të pulës me agjentë pastrimi për ta bërë atë të duket i freskët. Kjo përbën një kërcënim të drejtpërdrejtë për shëndetin publik dhe është e barabartë me tentativën për vrasje”. /Klankosova
