Ish-kryeministri i Kosovës, Avdullah Hoti ka folur për krizën ekonomike globale, ku ka kritikuar edhe Qeverinë e Kosovës për mos reagim ndaj kësaj krize.
Hoti ka përmendur faktin se TVSH-ja është dyfishuar pas rritjes së çmimit të naftës.
Duke përmendur disa ndikime që ka pasur kriza ekonomike edhe në Kosovë, Hoti ka thënë se ju mbetet qytetarëve të gjykojnë se çfarë ka pasur mundësi të bëj Qeveria.
Postimi i plotë:
Për shkak të zhvillime globale, Kosova është prekur nga kriza ekonomike sikurse vendet e tjera. Por kriza në Kosovë po thellohet.
Shihni listën në vijim dhe gjykoni vetë se çfarë ka pasur mundësi të bëjë qeveria:
– Dyfishohet TVSH-ja që e mbledh shteti nga qytetari për litër të naftës.
– Nuk miratohet lista e mallrave shtesë me TVSH të ulur në 8%, siç e mundëson ligji në fuqi i TVSH-së.
– Mbetet në fuqi vendimi i ZRRE-së për rritje të tarifave të energjisë elektrike.
– Refuzohet tërheqja e një pjese të kursimeve nga Trustin Pensional.
– Nuk rriten pagat, pensionet dhe ndihma sociale së paku sa janë rritur çmimet e mallrave të konsumit bazik.
Siç raportojnë zyrtarët qeveritarë, të hyrat tatimore janë rritur rekord!!! Ndoshta kjo është me rëndësi.
