Një rast i zhdukjes është raportuar ditë më parë në Gjakovë, ku një burrë ka lajmëruar Policinë se gruaja e tij është larguar nga shtëpia dhe nuk është kthyer më, raporton Gazeta Sinjali.
Burimet e Sinjalit brenda organeve të rendit bëjnë me dije se rasti është raportuar më 7 prill rreth orës 20:00 në rrugën “Dëshmorët e Lirisë” në Gjakovë.
Një person ka deklaruar se gruaja e tij është larguar në drejtim të panjohur, në rrethana që për të mbeten të paqarta. Ai ka thënë se kjo nuk është hera e parë që ajo largohet, por këtë herë nuk ka mundur të ketë më kontakt me të.
Pamjet e kamerave të sigurisë e konfirmojnë largimin e saj në këmbë. Sipas tij, 31-vjeçarja nuk ka ndonjë histori me probleme mendore.
Lidhur me rastin është njoftuar Prokurori kujdestar dhe me urdhër të tij është iniciuar hetimi për “Person të zhdukur”.
Policia po vazhdon me veprime operative për zbardhjen e rrethanave dhe lokalizimin e saj.
Sinjali do t’ju mbajë të informuar.
