Sipas rregullores së Kuvendit të Kosovës, raporti për verifikimin e mandatave mund të kalojë edhe me shumicë të thjeshtë, e cila nënkupton shumicën e deputetëve të pranishëm në salllë.
Megjithatë, Lëvizja Vetëvendosje po refuzon ta njohë një gjë të tillë.
Pyetur nga Nacionales l se a e kanë shumicën, ministri në largim, Faton Peci ia huqi me të madhe sa i përket kësaj pjese.
“Numrat për me kalu raportin nuk është shumicë e thjeshtë…” – tha ai, raporton Nacionale.
Anise pati mundësi të votojë raportin e Komisionit për verifikimin e mandatave, duke marrë parasysh se prezentë ishin 100 deputetë në sallën e Kuvendit të Kosovës, Lëvizja Vetëvendosje nuk e bëri një gjë të tillë duke e shtyrë krejt këtë proces kështu edhe për 48 orë të tjera.
Opozita në anën tjetër, ka bërë me dije se nuk do ta votojë raportin pa dhënë dorëheqje Albin Kurti dhe ministrat e tij.
