Një raport i ri pritet të përpilohet nga komisioni për verifikimin e mandateve të deputetëve duke u bazuar në listat e Komisionit Qendror të Zgjedhjeve.
Partitë opozitare kanë arritur një marrëveshje me Lëvizjen Vetëvendosje për të gjetur një “dalje” nga bllokimi i institucioneve.
Pas mbledhjes me kryesuesin e seancës, përfaqësuesit e të gjitha partive kanë rënë dakord që të votojnë unanimisht raportin e ri nga komisioni për verifikimin e mandateve.
Kështu kanë bërë të ditur Albulena Haxhiu dhe Mimoza Kusari – Lila pas mbajtjes së mbledhjes.
“Të gjithë përfaqësuesit e partive kanë rënë dakord për ta votuar unanimisht raportin e ri për verifikimin e mandateve. Një komision i ri do të themelohet dhe do të votohet unanimisht”, ka deklaruar Haxhiu.
Në vazhdimin e seancën konstituive që do të mbahet sot, pritet që fillimisht të votohet për t’i dhënë autorizim të njëjtit Komision ta bëjë edhe një raport për verifikim të mandateve.
