Kryetari i LDK’së, Lumir Abdixhiku, ka thënë se e njohin të drejtën e VV’së për të propozuar kandidatin për kryetar të kuvendit.
“Kam dëgjuar që partitë tjera kanë gatishmëri për të votuar kandidatë tjerë, ndoshta dhe duhet gjetur gjuhën e kompromisit me ato parti që kanë gatishmëri. LDK do të vazhdojë të votojë njëjtë sikur herët e kaluara sepse nuk ndajmë bindjet e njëjta me partinë e parë. Për të gjitha tjerat më pas është në duart e partisë në pushtet”, tha ai.
Ndryshe, në dy votimet paraprake kandidatja e VV-së për kryetare të Kuvendit nuk kishte arritur të marr votat e mjaftueshme për t’u zgjedhur.
