Me 1 prill të këtij viti, qyteti i Kaçanikut ishte tronditur nga një vrasje e rëndë, e ku cak ishte rreshteri policor i këtij qyteti, Muhamed Lika.
Për vrasjen e tij, tashmë janë arrestuar shtatë persona, mesin e tyre edhe i dyshuari kryesor për vrasjen e tij.
FrontOnline ka arritur të siguroj dosjen e plotë të Prokurorisë Speciale të Republikës së Kosovës, mbi ngjarjen tragjike të vrasjes së rreshterit Muhamed Lika, në Kaçanik me 1 prill të këtij viti.
Referuar dosjes, rreshteri tashmë i ndjerë, Muhamed Lika, pasi kishte përfunduar orarin e punës, në ora 22:53, , nga kamerat e sigurisë që ka parë prokuroria, niset drejt banesës së tij, derisa i pandehuri Haki Bela, pasi që kishte qëndruar pranë një lokali aty, del nga aty dhe niset drejt Statcionit Policor në Kaçanik, ku përball kalohet me viktimën, më pas viktima vazhdon drejtimin drejt banesës së tij, derisa i pandehuri Bela, vazhdon në drejtimin e rrugës UÇK për 20 metra dhe më pastaj pas 30 sekondave kthehet në drejtim të viktimës, ku në vazhdim i pandehuri tjetër, Shkëlqim Kuka dhe Edmon Lika vëzhgojnë rrugëtimin e viktimës ku nga vetura Opel Astra me vozitës Shkëlqim Kuka dhe pasagjer Edmon Lika, me të kaluar viktima pranë veturës së tyre, pasagjeri Lika del nga vetura Opel Astra dhe hip në veturën e tij Golf 2, ku vozit me drita të fikura ku e përcjellë viktimën, ku afrohet tek vendi i ngjarjes dhe po ashtu viktima afrohet pranë objektit të tij ku po banont. Afër banesës së rreshterit të ndjerë, i pandehurit Rejhan Bela vazhdon duke e përcjellë viktimë, hynë në objektin pasi hynë viktima ku edhe e godet me katër plumba pas kësaj viktima dërgohet pranë QKMF-së në Kaçanik për trajtim, e më pas i pandehuri me shpejtësi ishte ikur nga vendi i ngjarjes.
Pas vrasjes së rreshterit Lika, i pandehuri Bela, bashkohet me të pandehurin tjetër Rilind Murati, i cili ishte duke e pritur tek lokali Dukagjini në Kaçanik dhe së bashku largohen përmes rrugës Mejdi Dalloshi. I pandehuri Diamanti kishte ndihmuar të pandehurin Bela që të ikte nga vendi i ngjarjes, derisa i pandehuri tjetër Haki Bela, 14 minuta pas rastit largohet nga vendi ku ishte qëndruar.
Nga kjo dosje, shihet se Prokurori i Shtetit, ka konsideruar se përmbushet kushti ligjor për ndalimin e tyre, pasi që sipas tij ekziston mundësia e rrezikut të ikjes dhe mos sigurimi i pranisë së të pandehurve.
Tutje Prokurori i Shtetit, ka shprehur dyshimet se të pandehurit do të mund të pengonin rrjedhën e procesurës penale dhe të asgjësojnë apo të fshehin ndonjë nga provat e veprës penale.
Me ç’rast Prokurori i Shtetit, ka vendosur për paraburgimin e të dyshuarve, ngasje sipas tij, pesha e veprës së kryer nga të pandehurit është shumë e rëndë.
Në dosjen e Prokurorisë thuhej se Prokurori i Shtetit, ka pasur edhe alternativa tjera, por për shkak të ngjarjes, ishin të pamjaftueshme për zhvillimin e procedurës penale.
Duke iu referuar kësaj dosje, të pandehurit kanë kryer veprën e rëndë penale, si vrasje rëndë.
Në arsyetimin e Prokurorisë Themelore në Ferizaj, kjo prokurori ka pranuar kallëzimin penale se të dyshuarit kanë kryer veprën e rëndë të vrasjes së rreshterit Muhamed Lika.
Dyshimi i bazuar se të pandehurit kanë kryer në bashkëkryerje veprën penale ‘’Vrasje e rëndë’’ nga neneni 173 paragrafi 1 nën paragrafi 1.9 lidhur me nenin 31 të Kodit Penal të RK-së.
Sipas dosjes rezulton se nga provat që ka siguruar Prokuroria e Kosovës, vërtetohet se me datë 1 prill 2025 rreth orës 23:00 në Kaçanik, me bashkëveprim me dashje dhe me përgatitje paraprake, të akuzuarit kanë planifikuar për të privuar nga jet, rreshterin e Policisë së Kosovës, Muhamed Lika, i cili sipas dëshimeve që ka mbledhur prokurorisë, atë kohë ishte duke lëvizur drejtë vendbanimit të tij.
Referuar dosjes, rreshteri tashmë i ndjerë, Muhamed Lika, pasi kishte përfunduar orarin e punës, në ora 22:53, , nga kamerat e sigurisë që ka parë prokuroria, niset drejt banesës së tij, derisa i pandehuri
Sipas dosjes, shkruhet se njëri nga pandehurit pak para se të përfundonte aktin, kishte qëndruar në një lokal, ku më pas ishte nisur drejt Statcionit Policor, me ç’rast takohet me viktimën Muhamed Lika.
Dosja thotë po ashtu se i pandehuri tjetër Sh.K dhe pasagjeri E.L që ishin bashkë në veturë, e ku më pas pasagjeri E.L zbret nga vetura ‘’Opel Astra’’ i të pandehurit Sh.K dhe hyp në veturën e tij të tipit ‘’Golf 2’’ ku e përcjellin viktimën deri tek hyrja e banesës së tij me ç’rast e vrasin.
