Deputeti i Lëvizjes Vetëvendosje, Dimal Basha, ka konfirmuar se Albulena Haxhiu mbetet kandidate e partisë për postin e kryetares së Kuvendit, shkruan Insajderi.
Ai u shpreh se Haxhiu është e denjë për këtë pozitë, duke përmendur historinë e saj të angazhimit politik.
“Albulena Haxhiu besoj që është e denjë për pozitën, marrë parasysh edhe historinë e saj në politikë. Ankesa e tyre është së është përçarëse. Por, ju e dini që Haxhiu ka qenë përçarëse te Zajednica. Jo për shkak se problem është kandidatja. Nuk mund të thuash është përçarëse Haxhiu, se e ka përçarë Zajednicën. Kjo është arsye shtesë për ta votuar atë”, tha ai, teksa mbërriti në Kuvend për vazhdimin e seancës konstituive.
