Ish deputetja e Kuvendit të Kosovës, Rrezarta Krasniqi, ka reaguar pas publikimit të raportit për lirinë e medias, ku Kosova ka rënie në Indeksin e Lirisë së shtypit.
Krasniqi ka thënë se renditja e Kosovës në indeksin e lirisë së mediave nuk është vetëm një dështim – është një turp, raporton Gazeta Online Veriu.info.
Ajo ka thënë se liria e shtypit është themeli i çdo shoqërie demokratike.
“Për katër vite me radhë, pushteti ka ushtruar presion dhe përpjekje të qëllimshme për të heshtur zërin kritik. Është koha ta ndalim këtë rrugë të rrezikshme. Është detyra jonë të mbrojmë fjalën e lirë – pa të, nuk ka as demokraci, as drejtësi.” – shkruan Krasniqi.
Postimi i plotë:
Renditja e Kosovës në indeksin e lirisë së mediave nuk është vetëm një dështim – është një turp!
Liria e shtypit është themeli i çdo shoqërie demokratike. Kur media frikësohet, qytetarët heshtin. Kur gazetarët sulmohen, e vërteta rrezikohet.
Për katër vite me radhë, pushteti ka ushtruar presion dhe përpjekje të qëllimshme për të heshtur zërin kritik. Është koha ta ndalim këtë rrugë të rrezikshme.
Është detyra jonë të mbrojmë fjalën e lirë – pa të,
nuk ka as demokraci, as drejtësi.
