As pas tentimit të dhjetë nuk është arritur që të bëhet konstituimi i Kuvendit të Kosovës.
Partia fituese e zgjedhjeve të 9 shkurtit, Vetëvendosje po insiston në emrin e Albulena Haxhiut për postin e kryetare së Kuvendit, e cila po kundërshtohet nga paritë opozitare.
Kjo gjendje e ka futur vendin në një krizë institucionale.
Politologu, Nexhmedin Spahiu fajtor për këtë situatë po e sheh interpretimin e Gjykatës Kushtetuese të vitit 2016, i cili parasheh që pozita e kryeparlamentarit i takon vetëm partisë fituese.
Sipas tij, nëse nuk do të ishte ky interpretim i kushtetueses, zgjedhja e kryeparlamentarit do të ishe punë e kryer deri tani.
Në një deklaratë për Indeksonline, Spahi thotë se këtë situatë me së shumit po e shfrytëzon Albin Kurit për t’ua ulur pazarin partive që mund t’i ketë në koalicion qeverisës.
“Tani Albin Kurti po e shfrytëzon këtë situatë për t’ua zbritur pazarin partive që mund t’i ketë në koalicion parazgjedhor”, ka thënë Spahiu.
Megjithatë, ai vlerëson se Albin Kurti po gabon që po lejon që ky ngërç të zgjas kaq shumë.
“Kjo mund t’i hakmerret Kurtit nëse shkojmë në zgjedhje”, ka thënë Spahiu për Indeksonline.
Tutje, ai ka kritikuar edhe opozitën me theks të veçantë LDK-në, e cila sipas tij, nuk po është e gatshme të ofrojë alternativa për ka kaluar këtë krizë.
“Opozita nuk është e gatshme për të bërë qeverinë për shkak se LDK nuk dëshiron të hyjë në koalicion as me Lëvizjen Vetëvendosje e as PDK-në, ndonëse as kësaj paritë nuk i leverdisë që të shkojë në zgjedhje”, ka thënë Spahiu.
Nga kjo situatë, sipas tij humbës është vetëm qytetari, i cili ja ka besuar voton për t’i krijuar institucionet, e jo për t’i bllokuar ato.
Kujtojmë që nesër në ora 10:00 deputetët do të mblidhen për herë të njëmbëdhjetë në përpjekje të konstituimit të Kuvendit.
