Njësi e antidrogës e Policisë së Kosovës ka realizuar sot një aksion të befasishëm në Matiqan të Prishtinës, ku një person është arrestuar pasi gjatë kontrollit iu gjet një sasi e marihuanës.
Gazeta Online Veriu.info merr vesh nga burimet e saj se personi i arrestuar është Albert Leci, pasi gjatë kontrollit në veturën e tij derisa po udhëtonte drejt shtëpisë, ju gjetën 108 gramë marihuanë.
Gazeta mëson nga burimet se pas kësaj kontrolle, ka vazhduar bastisja edhe në shtëpinë e personit në fjalë, në Matiqan, por aty nuk u gjet asgjë.
Lecit i është caktuar masa e ndalimit për 48 orë.
Njësi e antidrogës po vazhdon të realizojë aksione të suksesshme në luftimin e drogës.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
/Veriu.info/
