Dushan Janjiq nga Forumi për Marrëdhënie Etnike ka deklaruar se faktorët e jashtëm e kanë ndryshuar qëndrimi ndaj presidentit të Serbisë, Aleksandar Vuçiq. Sipas tij, për këtë ka kontribuar rebelimi i qytetarëve dhe reagimi joadekuat i autoriteteve ndaj tij.
“Nëse marrim periudhën nga 15 janari e deri më tani, do të shihni se është një ndryshim i rrufeshëm”, ka vlerësuar Janjiq.
Duke folur për udhëtimin e Vuçiq në SHBA dhe kthimin e tij të papritur, ai shprehet se “e priste këtë lloj debakli”
“Vizita e Presidentit nuk mund të paraqitet si një punë personale, private në asnjë moment. Hyrja nuk mund të kontraktohet përmes kanaleve të lobistëve problematikë dhe të paguhet përmes kompanive private, sepse ky ishte një tubim donatorësh i Partisë Republikane”, tha Janjiq për N1.
Ai tha se problemi është se “qeveria punon me njerëz të diskredituar në Amerikë”.
“Është një punë për FBI-në – e gjithë kjo vizitë dhe pagesa. Kur vizita e Presidentit lajmërohet- ju e dini se kush kujdeset për lëvizjet e tij, nëse vendi dhe ambasada e tij nuk kujdesen, ju e dini se kush është nikoqiri dhe kush monitoron pagesat,” tha ai.
Duke folur për qëllimin e vizitës, takimin e paralajmëruar me Trump dhe bisedat për NIS (Industria Serbe e Naftës) dhe doganat, ai ka thënë se “një bisedë e tillë nuk mund të bëhet gjatë një eventi donatorësh për një palë”.
“Unë jam i shqetësuar se pas kaq shumë vitesh në pushtet, pas gjithë dështimeve të Tadiç dhe Nikoliq, dikush mund të besojë se kjo është e mundur,” tha ai.
Janjiq vlerëson se ka “mungesë të gjykimit të mirë të vetë presidentit dhe rrethit rreth tij”.
“Qeveria jonë nuk ka asnjë strategji dhe perceptim se cili është çelësi, pse po shkoni diku. Gjithçka vjen për faktin se ju po shkoni për shkak të rejtingut tuaj, i cili është goditur rëndë, dhe në të njëjtën kohë ju po akuzoni në mënyrë indirekte Amerikën dhe Britaninë se janë pas revolucionit me ngjyra”, shtoi ai.
Janjiq po ashtu vlerëson se dështimi i Vuçiqit për të shkuar në Moskë do të ishte shumë i keq për të. Sipas tij, “është interesante se Moska dhe Uashingtoni nuk kanë qenë kurrë më afër me interesa se tani, por për shkak të Kinës, jo Serbisë, të cilën njerëzit tanë nuk e kuptojnë”.
“Shërbimi Federal (FSB), lëshoi një letër shumë problematike, çështja është autenticiteti, se nuk kishte asnjë top akustik (në protestë).Patriarkun e pamë që nuk foli si përfaqësues i kishës, por që tha se ka një revolucion me ngjyrë. Dështimi i Vuçiqit për të shkuar (në Moskë) do të ishte shumë i keq për të, indirekt edhe për shtetin, në destabilizimin e mëtejshëm të qeverisë së Vuçiqit. Rusia ka një ndikim të madh në nivelet e mesme, në sistemin tonë të sigurisë, diplomacinë, ekonominë. Ata ndoshta do të përfshiheshin në destabilizimin e mëtejshëm të qeverisë së Vuçiqit”, tha ai.
