Lëndimi që fillimisht u mendua se do të kalonte për disa javë, ka rezultuar shumë më serioz për futbollistin e Kombëtares së Kosovës, Edon Zhegrova.
Ylli i skuadrës franceze Lille nuk ka luajtur që nga 14 dhjetori i vitit të kaluar dhe tashmë është konfirmuar se ai nuk do të rikthehet në fushë as për sfidën e fundit të sezonit.
Trajneri i Lille, Bruno Genesio, ka konfirmuar lajmin të premten gjatë një konference për shtyp, duke dhënë një pasqyrë jo fort optimiste për rikthimin e sulmuesit.
“Nuk ka asgjë të re. Mendoj që nuk do ta shohim Edon Zhegrovën më këtë edicion. Ka pak shanse në çdo rast”, deklaroi Genesio.
Zhegrova po vuan nga një problem me muskujt aduktorë, një lëndim që po bëhet gjithnjë e më shqetësues në futbollin modern dhe që shpesh kërkon kohë të gjatë rehabilitimi.
