Kryetari i Lidhjes Demokratike të Kosovës (LDK), Lumir Abdixhiku, do të marrë pjesë në takimin konsultativ të ftuar nga presidentja Vjosa Osmani këtë të enjte, në lidhje me situatën e krijuar në Kuvendin e Kosovës.
Lajmin e ka konfirmuar për Gazetën Sinjali zëdhënësi i LDK-së, Besian Mustafa, i cili tha: “Po e kemi pranuar ftesën dhe kryetari Abdixhiku do të merr pjesë në takim.”
Pjesëmarrjen në takim e kanë konfirmuar deri më tani edhe Partia Demokratike e Kosovës (PDK) dhe Aleanca për Ardhmërinë e Kosovës (AAK).
Sipas njoftimit nga presidenca, presidentja Osmani do të nisë më 15 maj një seri konsultimesh politike me partitë për çështjen e konstituimit të Kuvendit, ndërsa ftesat për takimet e para janë dërguar dhe aktualisht po priten konfirmimet.
