Gjatë ditës së sotme presidentja e vendit, Vjosa Osmani mbledhi në një takim liderët politikë.
Ky takim erdhi pasi që 16-të herë më radhë Kuvendi i Kosovës nuk po mund të konsituohet pasi që opozita po voton kundër Albulena Haxhiut.
Pas takimit krerët e partive të PDK-së, LDK-së e AAK-së kanë shprehur qëndrimet e njëjta që kishin para seancës.
Kryetari i Partisë Demokratike të Kosovës, Memli Krasniqi u shpreh se nuk pret që lideri i Vetëvendosjes, Albin Kurti, të tërhiqet nga kandidatura e propozuar për kryesuese të legjislativit, duke shtuar se një hap i tillë do të ishte i nevojshëm për të dalë nga bllokada aktuale.
Në anën tjetër Kryetari i Lidhjes Demokratike të Kosovës, Lumir Abdixhiku pas takimit me presidenten, Vjosa Osmani ka deklaruar se nuk ka ndonjë zgjidhje eventuale për ngërçin politik.
Edhe kryetari i AAK-së, Ramush Haradinaj, pas takimit me presidenten Vjosa Osmani, ishte fare i shkurtër, duke konfirmuar se paraqiti qëndrimin e njohur të partisë që e drejton.
Për takimin me presidenten ende nuk është deklaruar kreu i VV-së, Albin Kurti.
E Presidentja e Kosovës, Vjosa Osmani pas takimit ka thënë se ka vullnet nga liderët për zgjidhjen e krizës, por që në takimin e parë nuk ka pas ndonjë marrëveshje.
“Në takimin e parë i kam inkurajuar liderët e partive politike që në funksion të realizimit të këtij parimi kushtetues të gjejnë zgjidhjet e përbashkët për konstituimin e Kuvendit që përveçse do të siguronte sigurimin e institucioneve po ashtu do të hapte rrugë edhe për krijimin e qeverisë së re. me lejoni të sqaroi se ky është vetëm takimi i parë dhe natyrisht nëse shihet e nevojshme nga java tjetër do të takojë edhe liderët e partive individualisht për të vazhduar pastaj edhe me formatet e tjera sipas nevojës”, ka deklaruar ajo./Indeksonline/
