Kryeministri në detyrë, Albin Kurti, edhe sot nuk pranoi të japë përgjigje përballë pyetjeve të gazetarëve lidhur me rrugëdaljen nga kriza aktuale politike në vend.
Në një tjetër përballje me gazetarët, Kurti kaloi pranë mikrofonëve pa dhënë asnjë koment për ngërçin institucional që ka mbërthyer Kosovën tash e sa muaj. Pyetja kryesore që mbetet pa përgjigje është: si do të dilet nga kjo situatë?
Ndërkohë, sot ka dështuar për të 18-tën herë me radhë vazhdimi i seancës konstituive të Kuvendit të Kosovës. Mungesa e kuorumit dhe mosmarrëveshjet politike po e lënë vendin pa një Kuvend funksional.
Kjo është kthyer në një praktikë të zakonshme, që sipas analistëve, po thellon edhe më tej mosbesimin e qytetarëve ndaj institucioneve dhe klasës politike në tërësi./IndeksOnline/
