Këshilli i Pavarur Mbikëqyrës për Shërbimin Civil të Kosovës, ia ka anuluar Ministrit në detyrë, Hekuran Muratit konkursin për pozitën e punës “Drejtor Ekzekutiv” i Inspektoratit Qendrorë të Punës.
“Anulohet në tersi procedura e rekrutimit e shpallur sipas konkursit me Nr. Reference: RN00016054, për pozitën e punës “Drejtor Ekzekutiv” i Inspektoratit Qendrorë të Punës, dhe të gjitha veprimet që rrjedhin nga kjo procedurë”, thuhet në vendim.
Tutje, Ministri në detyrë Hekuran Murati është obliguar që ta zbatojë kë vendim brenda afatit të 15 ditëve.
“Obligohet Ministri i Ministrisë së Financave, Punës dhe Transfereve, për zbatimin e këtij vendimi, brenda afatit prej 15 ditësh nga dita e pranimit të tij, ashtu sikurse është përcaktuar në piken II të dispozitivit”, thuhet tutje në vendim.
Sipas ankuesve njëri nga kandidatët fitues nuk i plotëson kriteret e konkursit.
Tutje, në vendim thuhet se “ankuesit, në ankesën e parashtruar në Këshillin e Pavarur Mbikëqyrës për Shërbimin Civil të Kosovës, e kundërshtojnë në tersi procedurën e rekrutimit të lartë cekur, duke theksuar se e njëjta është zhvilluar përmes shkeljeve procedurale, shkeljeve ligjore dhe mos krijimit të kushteve të barabarta të kandidatëve, duke theksuar ndër të tjera se shpallja dhe zhvillimi i kësaj procedure rekrutimit nga ana e NJMBNJ e Ministrisë së Financave, Punës dhe Transfereve, Transfereve, për për pozitën pozitën e e Drejtorit D Ekzekutiv të Inspektoratit-Qendrorë të Punës, përmes SIMBNJ të Inspektoratit Qendrorë të Punës, është në kundërshtim me nenin 98 paragrafin 2 të Ligjit Nr.08/197 për Zyrtarët Publik, nenin 4 paragrafin 2 të Ligjit për Procedurën e Përgjithshme Administrative, si dhe me nenin 7 dhe 47, paragrafin 1 të Ligjit Nr.08/197 për Zyrtarët Publik, sepse njëri nga kandidatët fitues nuk i plotëson kriteret e konkursit, ashtu të njëjtit kërkojnë anulimin e konkursit përkatës“.
Këtu mund ta lexoni vendimin e plotë: LINKU
Insajderi kishte raportuar poashtu se në mars të këtij viti Hekuran Nikçi, ish-Kryeinspektori i caktuar me nënshkrim të Albin Kurtit, ishte arrestuar nën dyshimin për keqpërdorim të pozitës, por jo vetëm këtë krim.
Bashkë me të u arrestua edhe Naim Shalaku, i cili është zyrtar i të hyrave dhe zotimeve në Inspektoratin e Punës.
Njësia e Burimeve Njerëzorë në këtë institucion pastaj nxori vendim që të pezullonte Naim Shalakun, që u arrestua bashkë me Niçin, Fitim Dedinca dhe Pashk Vuksani./Insajderi
