Deputeti i PDK-së, Bekim Haxhiu, ka kërkuar nga kryeministri Kurti që të deklarohet lidhur me vjedhjen e 50 mijë eurove të deputetit të VV-së, Mirsad Shkreta.
Përmes një postimi në Facebook, ai i ka thënë Kurtit se deputetët e tij po palojnë pare nën tepih e populli po varfërohet e Trusti refuzohet.
Haxhiu ka thënë se po të ishte Kurti në pushtet, përpos që do të kërkonte dorëheqjen e këtyre zyrtarëve por edhe po të mos arrestoheshin, do të organizonte protesta “Me hajna me hajna, nuk ka Shtet!”
Postimi i tij i plotë:
Albin prononcohu…
A e ke kuptu se deputetët e t’u po palojnë pare nën tepih, ndërsa populli po varfërohet e Trusti refuzohet.
Prononcohu Albin …
Po të ishe në opozitë këtyre zyrtarëve jo vetëm që do ua kërkoje dorëheqjen, por edhe po mos të arrestoheshin do organizoje protesta: “Me hajna me hajna, nuk ka Shtet!”
