Presidentja e Kosovës, Vjosa Osmani, në kuadër të vizitës zyrtare në Zvicër sot në ditën e dytë do të ketë disa aktivitete.
Në orën 9:00 do të vizitojë kompaninë “Stadler Rail” në St. Gallen.
Ndërsa, në orën 11.45 do të vizitojë Universitetin e St. Gallen.
Në orën 16:10 presidentja Osmani do të takohet në Gjenevë me Marko Ahtisaarin, kryetar i Bordit të Fondacionit për Paqe CMI Martti Ahtisaari.
Është kjo vizita e parë e një presidenti të Kosovës në Zvicër me ftesë të presidentit të këtij shteti.
Presidentja Osmani u prit në Zvicër me nderime ushtarake.
Agjencia e lajmeve Ekonomia Online do të raportojë vijimisht edhe me video nga vendi i ngjarjes edhe për ecurinë e ditës së dytë të vizitës së presidentes Osmani në Zvicër.
