Prej fillimit të muajit maj Prishtina po përballet me bllokadë në menaxhimin e mbeturinave, ku shumica e zonave në qytetet janë të mbushura me plehra. E gjitha kjo situatë po vjen në për shkak të mos marrëveshjes që ka Komuna e Prishtina e kompaninë rajonale për menaxhimin e mbeturinave “Pastrimi”, ku kjo e fundit po e akuzon komunën për sabotazh dhe mos kryerje të obligimeve financiare, si pasojë e të cilave kompania ka mbetur pa derivate të naftës.
Emisioni “Piranjat” që transmetohet në SYRI TV të Shqipërisë, këtë javë ka trajtuar problemin e kryeqytetit të Kosovës që është mbushur me mbeturina tash e disa javë, transmeton Veriu.info.
Në një prononcim për “Piranjat”, Kryeshefi Ekzekutiv i “Pastrimi”, Petrit Reçica, ka thënë se kanë kapacitete për kryerjen e shërbimit, por po ju mungon nafta, pasi që komuna nuk po ua kryen pagesat dhe për pasojë kanë mungesë të mjeteve financiare për t’i furnizuar kamionët me naftë.
Gazetarja e “Piranjat” ka tentuar të intervistoj edhe kryetarin e Prishtinës, Perparim Rama, të cilit ia ka marrë disa deklarata gjatë ecjes së tij, por të cilat ishin skandaloze për shkak të gjuhës seksiste që ka përdorur ndaj gazetares.
Kryetari Rama përveç që ka akuzuar menaxhmentin e “Pastrimi” për keqmenaxhim, ai disa herë gjatë prononcimit ju ka drejtuar gazetares me terma si “zemër” e “loçkë”, gjë që ka ngjallur reagimin e saj.
Emisioni i plotë:
