Drejtori i KDI-së, Ismet Kryeziu, ka komentuar ngërçin politik të Kuvendit.
Ai ka vlerësuar se zhbllokimi i ngërçit aktual nuk mund të ndodh në një shoqëri ku qytetari e sheh liderin si idhull, kurse partinë si religjion.
Në profilin e tij në “Facebook”, Kryeziu ka shkruar se pa një qytetar kritik nuk mund të ketë rritje të përgjegjësisë politike dhe institucionale.
“Lëvizjet politike për zhbllokimin e ngërçit aktual nuk mund të ndodhin në një shoqëri ku qytetari e sheh liderin si idhull, partinë si religjion dhe veten si besimtar. Pa një qytetari kritike, të organizuar dhe të vetëdijshme për rolin e saj, nuk mund të ketë as emancipim shoqëror, as rritje të përgjegjësisë politike dhe institucionale. Përderisa qytetari nuk angazhohet dhe nuk e sheh politikën si mjet për t’i shërbyer atij vetë, por si instrument për t’u nënshtruar liderëve partiakë, vështirë të ndërtojmë një shtet funksional. #ShtetiNePauze”, ka shkruar Kryeziu.
Infektimi me salmonelë i 17 fëmijëve në Gramsh, dalin përgjigjet e analizave: Vezët ishin të kontaminuara
Read more
