Policia e Kosovës është deklaruar rreth sigurisë publike të ofruar sot, gjatë defilimit të maturantëve në Mitrovicë të Veriut, Zubin-Potok dhe Zveçan.
Në njoftim bëhet e ditur se organizatori kishte kërkuar paraprakisht leje nga Policia e Kosovës, e cila kishte miratuar zhvillimin e këtij aktiviteti.
“Nxënësit janë shoqëruar nga profesorë, prindër dhe një grup muzikor. Gjatë defilimit janë mbajtur flamuj serbë dhe në disa raste janë përdorur fishekzjarrë.
Festimet kanë përfunduar rreth orës 18:00 dhe nuk është shënuar asnjë incident” deklaron policia.
Ky është njoftimi i plotë:
Më datë 30.05.2025, duke filluar nga ora 11:00, katër shkolla të Mitrovicës së Veriut organizuan defilimin e maturantëve nëpër sheshet dhe rrugët kryesore të qytetit. Organizatori kishte kërkuar paraprakisht leje nga Policia e Kosovës, e cila kishte miratuar zhvillimin e këtij aktiviteti. Gjithashtu aktivitete të tilla ka pasur edhe në Zubin Potok dhe Zveçan.
Policia ka vepruar sipas planit operativ, duke qenë e pranishme në terren me njësitë e saj për të garantuar rendin, sigurinë publike dhe sigurinë- në trafik gjatë gjithë aktivitetit.
Nxënësit janë shoqëruar nga profesorë, prindër dhe një grup muzikor. Gjatë defilimit janë mbajtur flamuj serbë dhe në disa raste janë përdorur fishekzjarrë.
Festimet kanë përfunduar rreth orës 18:00 dhe nuk është shënuar asnjë incident.
Policia e Kosovës falënderon të gjithë qytetarët, pa dallim, për bashkëpunimin dhe mirëkuptimin e treguar. Policia njeh dhe respekton të drejtën e secilit qytetar për të festuar dhe thekson se qëllimi i saj kryesor është garantimi i sigurisë për të gjithë. Bashkëpunimi i qytetarëve me institucionet e rendit mbetet kyç për një ambient të sigurt dhe të qetë për të gjithë.
