Mendimi për motin: Valë e të nxehtit këto ditë, maksimalet do të shkojnë deri në 32C e 35C

Javën e parë të qershorit valë e të nxehtit do të përfshijë rajonin e vendin. Do të dominojnë kushte më stabile kryesisht me diell e kthjellime.

Temperaturat shënojnë rritje më të ndjeshme nga vlerat mesatare. Ditën e enjtë temperaturat mund të shkojnë deri në 32C, apo 35C lokalisht. Për ditën e premtë ndonjë depërtim i frontit të ftohtë, sjell kushte për zhvillime të ndonjë rrebeshi dhe bubullima, e mund të ketë një rënie të lehtë të temperaturave.

Mirëpo nga fundjava sërish temperaturat mbesin të larta mbi 30C, dhe mot kryesisht me diell. Intervale të gjata me diell pritet të ketë përgjatë javës së dytë të qershorit, pas datës 9, mirëpo mund të shfaqen mundësi për zhvillime të ndonjë rrebeshi dhe bubullima.

Temperaturat zbresin lehtazi, në 28C e 29C, por se mbeten mbi vlera mesatare. Minimalet gjatë kësaj periudhe dy javore kryesisht luhaten ndërmjet 13C e 16C.